19 низомии саҳюнистӣ дар камини Байт Ҳанун кушта ва захмӣ шуданд

Ба гузориши хабаргузории Аҳлибайт(а) ـ Абна ـ хабарнигори радиои артиши ишғолгар ҷузъиёти ҷадиде аз камини Байт Ҳанун дар шимоли Навори Ғаззаро мунташир кард.

Хабарнигори радиои артиши режими саҳюнистӣ дар баёни ҷузъиёти таҳқиқоти аввалия дар хусуси ҳодисаи инфиҷори бомбҳо ва камини тирандозӣ алайҳи нерӯҳои артиши ишғолгар дар Байт Ҳанун, ки мунҷар ба кушта шудани панҷ сарбоз шуд, ин гуна гуфт:

1. Ин ҳодиса ба унвони бахше аз як амалиёти низомии ду гардонӣ, ки тавассути артиши Исроил дар Байт Ҳанун, шимоли Навори Ғазза анҷом шуд, рух дод. Ин шаҳрак, ки дар муқобили шаҳри Сдерот воқеъ шудааст, дар тӯли ҷанг борҳо ишғол ва дубора ишғол шуд ва артиши Исроил амалиётҳои мутаъаддидеро бо мушорикати нерӯҳои бузург дар онҷо анҷом дод. Асри шанбе, ҳамлаи ҷадиде ба раҳбарии Типи шимолӣ ва Типи захираи 646 оғоз шуд. Ҳадаф аз ин амалиёт ҳамла ва поксозии минтақа аз «шубанизомиён», пас аз муҳосираи комили Байт Ҳанун аз ҳама тараф буд.

2. Ин ҳодиса тақрибан соати 22 шаб оғоз шуд, замоне ки як воҳид аз гардони Нетсаҳ Яҳуда (аввалин гардони мазҳабии артиши Исроил) ба унвони бахше аз ҳамла, пиёда аз ҷодае убур кард.

3. Ду бомби кор гузошта шуда дар имтидоди ҷода, яке пас аз дигаре, алайҳи нерӯи пиёдаи гардони Нетсаҳ Яҳуда мунфаҷир шуданд. Артиш эълом кард, ки ин минтақа дар ҳафтаҳои ахир ба унвони бахше аз амалиёти «муқаддимотӣ» қабл аз ҳамлаи заминӣ, мавриди ҳамлаҳои ҳавоии шадид қарор гирифтааст. Бо ин ҳол, ду бомб бо диққати комил ҳангоми убури нерӯҳо мунфаҷир шуданд ва дар ибтидо гумон мерафт, ки онҳо ба унвони бахше аз як камини барномарезишуда, аз роҳи дур мунфаҷир шудаанд.

4. Дар ҳини хориҷ кардани маҷрӯҳони инфиҷори бомбҳо, афроди мусаллаҳ аз як камин ба самти нерӯҳои имдодӣ оташ кушуданд. Сарбозони дигаре низ захмӣ шуданд ва тахлия ба як кори печида ва тӯлонӣ табдил шуд. Нерӯҳои имдодии изофӣ барои хориҷ кардани ҳамаи маҷрӯҳон ба маҳал фарохонда шуданд.

5. Тирандозӣ ва камин пас аз инфиҷори бомбҳо, тактики такрорӣ аст, ки дар ҳафтаҳои ахир дар ҳодисоте, ки дар он омилони Ҳамос маводи мунфаҷираро алайҳи нерӯҳои дифоъии Исроил кор гузоштаанд, рух додааст. Афроди мусаллаҳ дар ҳодисоти қаблӣ низ рафтори мушобеҳе доштаанд.

6. Дар маҷмӯъ, ин ҳодиса мунҷар ба кушта шудани панҷ сарбоз шуд, ки бештари онҳо аз гардони Нетсаҳ Яҳуда буданд. Чаҳордаҳ сарбоз ҳам захмӣ шуданд: ду нафар ба шиддат, 6 нафар ба таври мутавассит ва 6 нафар ба таври сатҳӣ. Ҳамаи маҷрӯҳон барои дармони пизишкӣ ба беморхона мунтақил шуданд.